1-29 აპრილს შემოსავლების სამსახურის მოძრავი სერვისცენტრი გადასახადის გადამხდელებს 27 ლოკაციაზე მოემსახურება


1-29 აპრილს, ფინანსთა სამინისტროს შემოსავლების სამსახურის მოძრავი სერვისცენტრი - RS CAR - გადასახადის გადამხდელებს 27 ლოკაციაზე, იმ რეგიონებში მოემსახურება, სადაც შემოსავლების სამსახურის სერვისცენტრები არ არის განთავსებული.

RS CAR (მიკროავტობუსი) აღჭურვილია შემოსავლების სამსახურის სერვისცენტრებში არსებული ტექნიკური საშუალებებით. შესაბამისად, გადასახადების გადამხდელებს შესაძლებლობა აქვთ, მათთვის ხელსაყრელ დროსა და სივრცეში, დასახლებული პუნქტიდან გაუსვლელად, დროულად მიიღონ სასურველი მომსახურება, კერძოდ: კონსულტაცია საქართველოს საგადასახადო კოდექსისა და შესაბამისი ნორმატიული აქტების გამოყენებასთან დაკავშირებით, შემოსავლების სამსახურის ელექტრონული გვერდის სარგებლობის მიზნით, ავტორიზაციის შემდგომ განცხადებების მიღება და რეაგირება, მიკრო/მცირე ბიზნესისა და ფიქსირებული გადასახადის გადამხდელის სტატუსის მინიჭება/გაუქმება. ასევე, მაღალმთიანი დასახლების საწარმოს სტატუსის მინიჭება/შეჩერება/შეწყვეტის განცხადებების მიღება.

აგრეთვე, შესაძლებელია შემოსავლების სამსახურის კომპეტენციის ფარგლებში შესაბამისი ცნობების გაცემა (საგადასახადო დავალიანების, გადამხდელის რეგისტრაციის, დღგ-ის რეგისტრაციის, შემოსავლების შესახებ და სხვა) და ა.შ.

  1. ტყიბული 01.04.2021 კარლო ლომაძის მოედანი, გამგეობის შენობის მიმდებარე ტერიტორია 10:00-17:00;
  2. დუშეთი 01.04.2021 რუსთაველის ქ. N 27, მუნიციპალიტეტის გამგეობის მიმდებარე ტერიტორია, ცენტრალური მოედანი 10:00-17:00;
  3. ლენტეხი 02.04.2021 თამარ მეფის ქ. N 24, გამგეობის შენობის წინ 10:00-17:00;
  4. გურჯაანი 05.04.2021 ნონეშვილის გამზ. N13, გამგეობის შენობასთან 10:00-17:00;
  5. ხონი 05.04.2021 გამგეობის შენობის მიმდებარე ტერიტორია 10:00-17:00;
  6. ყვარელი 06.04.2021 კუდიგორის ქ. N 1, მუნიციპალიტეტის შენობასთან 10:00-17:00;
  7. ლანჩხუთი 06.04.2021 ჟორდანიას ქ. N 135, პოლიციის შენობის გვერდით 10:00-17:00;
  8. ახმეტა 07.04.2021 ბიძინა ჩოლოყაშვილის ქ. N49, გამგეობის შენობასთან 10:00-17:00;
  9. ვანი 07.04.2021 გამგეობის შენობის მიმდებარე ტერიტორია 10:00-17:00;
  10. ყაზბეგი 08.04.2021 გამგეობის შენობის მიმდებარე ტერიტორია 10:00-17:00;
  11. ბაღდათი 08.04.2021 წერეთლის ქ. N 2, გამგეობის შენობის წინ 10:00-17:00;
  12. აბაშა 12.04.2021 ჯორჯიკიას ქ. N 3, "ლიბერთი ბანკი"-ს წინ 10:00-17:00;
  13. კასპი 12.04.2021 სააკაძის ქ. N 68, საკრებულოს შენობასთან 10:00-17:00;
  14. მარტვილი 13.04.2021 თავისუფლების ქ. N 10, მუზეუმის წინ 10:00-17:00;
  15. ქარელი 13.04.2021 თამარ მეფის ქ. N 48, "ლიბერთი ბანკი"-ს მიმდებარე ტერიტორია 10:00-17:00;
  16. ცაგერი 14.04.2021 რუსთაველის ქ. N 64, გამგეობის შენობის წინ 10:00-17:00;
  17. მარტყოფი 14.04.2021 მარტყოფი ქ. N1, საზოგადოებრივი ცენტრის მიმდებარე ტერიტორია 10:00-17:00;
  18. საჩხერე 15.04.2021 თავისუფლების ქ. N 4, გამგეობის მიმდებარე ტერიტორია 10:00-17:00;
  19. ონი 15.04.2021 აღმაშენებლის მოედანი N1, საკრებულოს წინ 10:00-17:00;
  20. ადიგენი 19.04.2021 თამარ მეფის ქუჩის დასაწყისი, გამგეობის შენობის მიმდებარე ტერიტორია 10:00-17:00;
  21. ასპინძა 20.04.2021 მეფე თამარის ქუჩის დასაწყისი, „თიბისი ბანკის“ მიმდებარე ტერიტორია 10:00-17:00;
  22. ნინოწმინდა 21.04.2021 პუშკინის ქუჩა, გამგეობის შენობის მიმდებარე ტერიტორია 10:00-17:00;
  23. ხულო 26.04.2021 გამგეობის შენობის წინ 10:00-17:00;
  24. დმანისი 26.04.2021 წმინდა ნინოს ქ. N 41, გამგეობის შენობის წინ;
  25. თეთრიწყარო 27.04.2021 თამარ მეფის ქ. N 34, გამგეობის მიმდებარე ტერიტორია 10:00-17:00;
  26. ქედა 27.04.2021 დაბას ცენტრი;
  27. ყაზბეგი 29.04.2021 გამგეობის შენობის მიმდებარე ტერიტორია 10:00-17:00.